23 сентябрь көнне, мөселман дөньясы Корбан бәйрәменә әзерләнгәндә Мәскәүдә яңартып төзелгән Җәмигъ мәчет ачылды. Ул Русия башкаласындагы иң зур мөселман гыйбадәт йорты. Мәчет ачылышына Татарстан президенты Рөстәм Миңнеханов, Русия президенты Владимир Путин да килде. Тантанада Төркия һәм Фәләстин лидерлары Рәҗәп Тайип Эрдоган белән Мәхмүт Аббас, Чечня башлыгы Рамзан Кадыйров һәм башка түрәләр дә катнашты.