Башкортстанга каты суыклар килү белән янгыннар ешаеп китте. Кырмыскалы районының Салйогот авылында берьюлы дүрт йорт янды. Бер-береннән еракта урнашкан йортларның януы өчен белгечләр газ ширкәтен гаепли, янгыннар басым кисәк артып газ шартлау сәбәпле чыккан дип белдерәләр. Авыл халкы газ ширкәте акча түләмәгәннәргә газ бирүне тиз өзә, әмма иминлек мәсьәләсен кайгыртмый дип ризасызлык белдерә.