Туймазыда төзелүче сәүдә үзәге сәбәпле шәһәрдә яңа киеренкелек туып килә. Халык "Эссен" кибете төзү өчен табигый паркны юк итүгә каршы чыга. Күрше Татарстан инвесторлары акчасына төзелүче кибет өчен баштарак 20 агачны кисү зарурлыгы әйтелгән булса, хәзер инде 600ләп агачның юк ителәчәге ачыкланган диелә. Шәһәр хакимияте инвесторлар белән киселгән бер агач урынына икене утырту турында килешкәнлеген белдерә.