5 декабрь Казанда "Татарстан Конституциясенә – 25 ел: дәүләт һәм җәмгыять үсешендә конституцион принципларны һәм нормаларны куллану" дигән темага түгәрәк өстәл сөйләшүе узды. Анда Татарстан Дәүләт шурасының канунилык һәм хокук тәртибе комитеты рәисе Шакир Яһудин чыгыш ясап, Татарстан белән Мәскәү арасындагы шартнамәнең яңартылмавы артында Кремльнең сәяси яктан зирәксезлеге ята дип белдерде. Федераль үзәкнең үзаңы уянганга кадәр Татарстан Конституциясендәге шартнамәгә кагылган маддә үз вакытын көтәчәк ди белгеч.