naif aqmal

Jurnalistlanı Yaqlaw Komitetı "İñ nıq senzuralanğan 10 il" dip atalğan xisabın iğlan itte

Salqın suğıştan soñ 15 yıl däwamında qayber elekke sovet illäre liberal demokratiägä ireşü öçen eş alıp barsa, qayberläre törle yaqlap artta qala başladı. Alarnıñ uñışları başqa yaqlar belän bergä matbuğat irege torışı belän dä bäyälänä. Sişämbedä, Dönya matbuğat ireklege könendä matbuğat iregen yaqlawçı, New Yorkta urnaşqan Jurnalistlarnı Yaqlaw Komitetı "İñ nıq senzuralanğan 10 il" dip atalğan xisabın iğlan itte. Şular arasında 3 elekke sovet ile Törkmänstan, Üzbäkstan häm Belarus ta bar.

AQŞta röxsätsez möhäcirlärne yaqlawçı uram cıyınnarına millionnan artıq keşe çıqtı

Quşma Ştatlarnıñ Wäkillär Palatasında röxsätsez möhäcirlärgä qarşı qanun qabul itelügä protest belderep düşämbe, 1-nçe may könne küpçelegen ispan tellelär täşkil itkän yözlärçä meñ möhäcir eş taşlap uramnarğa çıqtı. Mondıy rizasızlıq çaraları ilneñ törle urınnarında uzğan atnalarda da ütkärelep kilde. Ämma düşämbe köngese möhäcirlärneñ Amerika iqtisadı öçen ni qädär möhim buluın kürsätü maqsatındağı iñ zur protest çaraları bulğandır.

Ispan telendäge amerikan gimnı turında bäxäs Aq Yortqa qädär kütärelde

Xalqınıñ yaqınça unnan ber öleşe ispan telendä söyläşkän Quşma Ştatlarda Amerika gimnıñ ispan telendägese dä çıqtı. Küplär, bigräk tä ispan telle möhäcirlär häm alarnı yaqlawçılar mondıy gimnnı xuplasa da başqalar, şul isäptän prezident George Bush aña kisken qarşı çığa häm gimn räsmi bulmağan teldä cırlanırğa tieş tügel dip belderä.

AQŞtağı röxsätsez möhäcirlär üzläreneñ kiläçäge öçen borçıla

Bu atnada Quşma Ştatlarda röxsätsez möhäcirlärgä qarşı çara kürü planına protestlar ütte. Demonstratsiäçelär ilgä röxsätsez kerü häm qalunı cinayät qılu dip bäyäläwçe yaña qanunğa rizasızlıq belderä.

AQŞnıñ sivil citäkçeläre xärbilärdän suğışçanraqmı?

AQŞ konstitutsiäse ildä suğışçan xökümät buldırmaw öçen qorallı köçlär başına sivil citäkçelärne quyunı taläp itä. Bu sivil citäkçelär xärbi çaralarnı hönäri xärbilär kebek ük yaqlamıy digän fikergä nigezlänä. Ämma xäzerge Amerikada bu fikerneñ döreslegenä şik belderüçelär artıp kitte. Küzätüçelär näq menä sivil räsmilär Ğiraqqa ğäskär kertüne yaqlağanda küp kenä generallar saq bulırğa çaqırıp kisätkän ide di. Xäzer dä sivil räsmilär İranğa qarşı köç qullanunı xuplağanda qayber yuğarı xärbi citäkçelär moña qarşı çığa.

Irannıñ uran bayıtuda uñışqa ireşü turındağı belderüe xalıqara säyäsi wäzğiätne üzgärtä

Iran prezidentı Mäxmüt Äxmädinicatnıñ Tähran uran bayıtuda uñışqa ireşte digän belderüe belgeçlärne süz nindi uñış turında bara digän uyğa saldı. Bu İrannıñ berär maqsat belän aldawı ğınamı yäki çınnan da ul atom bombasına iä bulu aldında toramı?

Ispaniäneñ azçılıq tellärne yaqlawı Yewropada töbäklär wäkalätläre mäsäläse turında süzneñ canlanuına kiterä

Uzğan atnada Ispaniä parlamentınıñ tübän pulatı Catalan ölkäsenä kiñräk aftonomiä birü qararın rasladı. İspaniäneñ bu adımı Yewropa illärendäge başqa töbäklärneñ dä wäkalätlären kiñäytü omtılışına bäyle bäxäslärgä yaña sulış örgändäy buldı.

Rice belän Straw kötelmägändä Bağdadqa kilde

Rusiä matbuğatı yaña salqın suğışqa äzerlänäme?

BMO İminlek Şurası İrannıñ atom programmasın tänqitläwçe kompromiss belderüne xuplağannıñ ikençe könendä, Pänceşämbedä AQŞ däwlät sekretare Condoleezza Rice Berlinda İminlek Şurasınıñ daimi äğzalarına berençe märtäbä İranğa qarşı çikläwlär kertü täqdime belän çıqtı. Ämma anıñ bu täqdimenä Qıtay häm Rusiä şaqtıy nıqlı räweştä qarşı çıqtı. Mäskäw Waşintonğa qarşı çaralar kürü täqdimenä küptännän qarşı çığıp kilä. Soñğı arada Mäskäw-Waşinton arasında başqa ölkälärdä dä fiker ayırmalıqlarınıñ arta baruı, bigräk tä AQŞ qarşı qatıraq söyli häm yaza başlağan Rusiäneñ kiñküläm mäğlümät çaralarında sizelä. Häm bu Rusiäneñ PR maşinasında yaña salqın suğışqa äzerlänügä oxşıy bara.

Rusiä: Eçkeçe balalarnı däwalaw awıruça awır

Rusiädä yıl sayın kimendä 100 meñläp bala häm yäşüsmer xämer eçep xastaxanägä elägä. Alarnıñ meñnärçäse inde eçüçelekkä nıqlap birelgän. Häm alarnıñ kübese tulı bulmağan ğailälärdän, yätimnär yortınnan yäki xätta uramnan. Bu balalarğa eçüçelektän däwalanu ayıruça qıyın. Rusiädä eçkeçelekkä birelgän balalarnı däwalıy torğan berdänber üzäk Kvartal dip atala.

Qädimä İzraildäge parlament saylawlarında ciñep çıqtı

Izrail''dä sişämbe könne ütäçäk parlament saylawlarında tawışlarnı sanaw tämamlandı diärlek. Älegä räsmi räweştä raslanmağan berençel näticälärgä qarağanda İzrail'' parlamentı Knessettağı urınnarnıñ iñ kübese urtaçıl Qädimä partiäsenä elägäçäk. İnde 3 ay komada yatqan elekke premyer ministr Ariel Şaron oyıştırğan bu partiä fälestinlelärdän beryaqlı ayırılu wäğdäläre belän ciñü qazandı. Ul arada fälestin parlamentı suğışçan Hämas törkeme citäkçelegendäge yaña xökümätne rasladı. Yaqın könçığıştağı mondıy tärräqiät xalıqara aradaşçılıqtağı tınıçlıq urnaştıru eşläreneñ tuñdırıluın añlata.

Ukrainada parlament saylawları Yulia Timoşenkoğa zur mömkinleklär birä

Ukrainada uzğan yäkşämbe könne ütkän parlament saylawlarında tawışlarnı sanaw tämamlanıp kilä. Bu saylawlarda yaqlawnı nıq yuğaltqan prezident Viktor Yuşçenko Äflisun inqilabında qatnaşqan törkemne yañadan cıyu turında söyläşülär başladı. Çönki ul köçlärne bergä tuplağanda, Viktor Yanukoviçnıñ Rusiägä yöz totuçı häm saylawlarda 1-nçe urınğa çıqqan Regionnar partiäse ciñelüçe bulaçaq.

Ukraina parlament saylawları näticäläre: Yanukoviç ciñep tä ottırır kebek

Ukrainada yäkşämbe könne ütkän parlament saylawlarınıñ täğäyen näticäläre sişämbe könne genä mäğlüm bulaçaq. Ämma berençel näticälärgä qarağanda Viktor Yanukoviçnıñ Mäskäwgä yöz totuçı Regionnar Partiäse 27 protsent tawış cıyıp berençe urın alırğa oxşıy. Ämma ul bu saylawlarda berençe bulıp ta ottırırğa mömkin. Ägär Äflisun inqilabında bergä bulğan, parlament saylawlarında köndäşlärgä äwerelgän ike partiä yañadan berläşsä Yanukoviç yaña xökümät tözi almıyaçaq, parlamenttağı urınnar belän genä çiklänergä mäcbür bulaçaq. Yanukoviç Kievta Mäskäwgä qarağan xökümät oyıştırır dip ömetlängän Rusiä öçen bu naçar xäbär bula ala.

Britaniäneñ iñ yuğarı mäxkamäse möselman qızına ozın külmäk kiüne tıyğan mäktäpne xupladı

Britaniäneñ iñ yuğarı mäxkamäse çärşämbe könne möselman qızı Şabina Begumğa mäktäpkä yawlıq bäyläp möselman kiemennän kilüne tıyğan mäktäp xaqlı digän qarar çığardı. Bu mäs''älä mäktäp uqıtuçıların häm küp kenä Möselman citäkçelären dä berläşterde.

Bush belän Blair terrorğa qarşı suğış strategiäsen yaqlap çığış yasadı

Sişämbe könne AQŞ Prezidentı George Bush häm Britaniä premyer ministrı Tony Blair, berse Waşingtonda ikençese Londonda, jurnalistlar aldına çığıp terrorçılarğa qarşı urtaq suğış häm Ğiraqtağı nizağ turında söyläde. Bush Ğiraqta demokratiä urnaştıru tırışlıqları axır çiktä uñışqa kiteräçäk dip ışanuın belderde. Blair bu suğış möselman dönyasınıñ zamançalaşırğa äzer bulu-bulmawına bäyle dide.

Amnesty İnternational keşe xoquqları ölkäsendä Rusiägä basım yasarğa çaqıra

Yewropa Berlege prezidentı Jose Manuel Barooso Rusiägä barıp prezident Vladimir Putin belän yaña strategik xezmättäşlek turında söyläşügä äzerlängändä xalıqara xoquq yaqlawçı oyışma Amnesty İnternational aña möräcäğät belän çıqtı. Amnesty İnternational Yewropa Berlege Rusiädä keşe xoquqları torışınıñ naçaraya baruına iğtibar yünältergä tieş di.

Fälestinlelär İzrail reydına protest belderä

Qıtay xalıq kongressı yıllıq qorıltayğa cıyıldı

George Bush Könyaq Aziä säfären Paqstanda däwam itä

Belarusta meñnärçä oppozitsiä tarafdarı mitingqa çıqtı

Pänceşämbe könne Belarus başqalası Minskida meñnärçä oppozitsiä tarafdarı mitingqa çıqtı. Uramda politsiä xezmätkärläre dä küp ide. Ämma bäreleşlär turında xäbärlär bulmadı. Röxsätsez bu miting prezident saylawlarına 3 atna qalıp barğanda, kierenkelek arta barğan şartlarda ütte. AQŞ, Yewropa berlege häm Yewropada İminlek wä xezmättäşlek oyışması saylaw aldı atmosferasınıñ naçarayuına borçılu belderde. Prezident Aleksandr Lukaşenko isä Könbatıştnı Belarusnıñ eçke eşlärenä tıqşınmasqa dip kisätte