naif aqmal

BMOnıñ yaña general sekretare Könyaq Korea tışqı eşlär ministrı Pan Gi-Mun bulır dip kötelä

Yıl axırında Berläşkän Millätlär Oyışması general sekretare Kofi Annan wazıyfasınnan kitä. Anıñ urınına Könyaq Korea tışqı eşlär ministrı Pan Gi-mun kiläçägenä inde bernindi şik yuq diärgä mömkin. Düşämbe könne BMO İminlek Şurasında ütkärelgän soñğı formal bulmağan tawış birüdä şuradağı 15 äğzanıñ 14-e, şul isäptän veto xoquqına iä barlıq äğzalar da Pannı yaqlawların belderde. 9-nçı üktäberdä isä yaña citäkçe saylawnıñ kiläse, ä bälki soñğı adımı, formal tawış birü bulaçaq.

Hindstan Paqstannı Mumbay şartlawların oyıştıruda ğäyepli

Rusiä Gruziädän diplomatların çığara, xärbilären qaldıra

Rusiä belän Gruziä arasında küzläw cäncalı kiskenläşä bara

Rusiä belän Gruziä arasındağı küzläw cäncalı köçäyä bara. Pänceşämbe könne Rusiä üzeneñ Gruziädäge ilçesen çaqırtıp aldı häm BMO İminlek Şurasın Gruziäne qurqınıç häm qabul itelmäslek adımğa baruda ğäyepläwne soradı. Comğa könne Gruziä isä küzläw eşlärendä ğäyeplänep qulğa alınğan 4 Rusiä ofitserınıñ mäxkamä qarşına basuın iğlan itte.

Küzläwçelär cäncalı Mäskäw-Tiflis arasında kierenkelekne arttırdı

Gruziäneñ küzläw eşläre alıp baruda şiklänelgän 4 Rusiä xärbi küzläw ofitserın qulğa aluı Mäskäwneñ açulı reaksiäsenä säbäp buldı. Rusiä tışqı eşlär ministrı Sergey Lavrov monı Tiflisneñ Rusiägä qarşı säyäsäteneñ ber öleşe dip atadı häm BMO İminlek Şurasın bu mäsäläne çişügä öleş kertergä çaqırdı.

Bush belän Qarzai terrorğa qarşı suğış turında söyläşte

AQŞ prezidentı George Bush sişämbe könne Aq Yortta Äfğänstan prezidentı Xämit Qarzainı qabul itte. Söyläşüneñ töp teması terrorğa qarğı köräş buldı. Äfğänstanda Taliban höcümnäre artqannan arta barğanda Qarzai Äfğänstan prezidentı Pärwäz Möşärräfne Paqstanda Talibanğa qarşı citärlek çaralar kürmäwdä ğäyepläde. Ämma Bush ike il dä terrorçılarğa qarşı suğışta näticäle eşli dide.

Putin Chirac häm Merkel belän oçraşa

Comğa kiçendä Rusiä prezidentı Vladimir Putin Parijda Frasniä prezidentı Jacques Chirac belän oçraşa. Putinnıñ Yewropa säfäre şimbä könne Fransiä citäkçeläre häm Germaniä kanslerı Angela Merkel qatnaşlığında öçyaqlı sammit belän däwam itäçäk. Andağı söyläşülärdä töp iğtibar İrannıñ atom programması mäs''äläsenä, Yaqın Könçığışqa, Rusiäneñ Yewropadağı energiä häm oçqıçlar yasaw tarmağında qatnaşu niätlärenä bireler dip kötelä.

Macarstandağı xällär başqa illärdäge tösle inqilablarğa oxşaşmı?

Dnestr buyı töbäge Moldovadan ayırılıp Rusiägä quşılu öçen tawış birde

Moldovadan ayırılırğa teläwçe Dnestr buyı töbägendäge saylawçılar bäysezlek häm axır çiktä Rusiägä quşılu öçen tawış birde. Yäkşämbe könne ütkän referendumnıñ berençel näticäläre şunı kürsätä. Bu referendum elekke sovet respublikalarındağı başqa nizağlı töbäklär öçem dä ürnäk bula ala.

Dönya Bankı: Qaysı ildä käsep alıp baru ciñelräk?

Bu atnada dönya bankı qaysı ildä käsepçelek belän şöğellänüneñ ni däräcädä ciñel buluı turında söyläwçe xisabın iğlan itte. Xisap barlığı 175 ilne bäyäli. Anda käsepçelek alıp barunıñ ni däräcädä ciñel buluı 10 yaqtan qarap bäyälänä. Alar arasında käsepne terkäw, salım tüläw, çik aşa säwdä alıp baru. Baltıyq däwlätlären isäplämägändä Ärmänstan belän Gruziä elekke sovet respublikaları arasında iñ yaxşı urında. Ä Ğömümän isemlektä alar 34-nçe häm 37-nçe urın alğan. Äfğänstan 162-nçe, Üzbäkstan 147-nçe häm Taciqstan 133-nçe urında.

Gruziädä İgor Giorgadzenıñ yaqınnarı fetnä äzerläwdä ğäyeplänä

6 sintäberdä Gruziä politsiäse Gruziäneñ elekke däwlät iminlege ministrı xäzerge qaçqın İgor Giorgadze belän bäyle 29 keşene totqarladı. Şularnıñ 14-enä xıyänät häm Giorgadzenı xakimiätkä kiterü öçen däwlät tüntäreleşe äzerläw ğäyepläwläre belderelde.

Bush Amerika "äle di imin tügel" dip kisätä

Dönya 11 sintäber terror höcümnäreneñ 5 yıllığın iskä alırğa äzerlängändä sişämbe kiçendä AQŞ prezidentı George Bush Amerika xalqına möräcäğät itep terror qurqınıçınıñ äle dä däwam itüe häm xökümätneñ annan qotılu planı buluı turında belderde. Oppozitsiädäge Demokratik partiägä uqış kiterer dip kötelgän közge Kongress saylawlarına berniçä genä atna qalıp barğanda, Bush 2004nçe yılda üzenä yañadan ber märtäbä saylanırğa yardäm itkän çığışın qabatladı diärgä mömkin. Bush tağın ber märtäbä amerikannar suğış urtasında üzgäreşlär öçen tawış birergä tieş tügel digänne citkerergä tırıştı.

Libandağı Tınıçlıq Köçlärendä möselman illäreneñ öleşe nindi bulır?

Törkiä parlamentı sişämbe könne Libandağı BMO tınıçlıq köçlären nığıtu öçen törek xärbilären cibärü mäsäläsen tawışqa quya. Berläşkän Millätlär Oyışması Libandağı xalıqara köçlärneñ yartısın möselman illärennän kilgän xärbilär täşkil itär dip ömetlänä. Ämma älegä bu köçlärneñ küpçelegen Yewropa illäre cibärergä oxşıy. Küpçelek möselman illäre anda qatnaşırğa bik aşıqmıy.

1 sintäberdä Belsan mäktäbendä totıqlar alınuğa 2 yıl tuldı

31 avgustta Tähranğa uran bayıtunı tuqtatu öçen birelgän waqıt çıqtı

Avgustnıñ soñğı köne BMO Atom Energiä İdaräsenä İran turında xisap äzerläw öçen birelgän soñğı kön buldı. Xisap Tährannıñ uran bayıtunı tuqtatu turındağı xalıqara taläpne ni däräcädä ütäwen sürätlärgä tieş. İran BMOnıñ taläbenä buysınmaw säbäple Xalıqara Atom Energiä İdaräseneñ New Yorkta iğlan itelüçe xisabı tiskäre bulır dip kötelä.

Annan Izrailne Libannan blokadanı alırğa künderä almadı

Berläşkän Millätlär Oyışması General Sekretare Kofi Annan İzrailne küktän häm diñgezdän Libannı blokadalawnı tuqatuğa künderä almadı. Yaqın Könçığışta säfär belän yörüçe, bu könnärdä Bäyrüt, İzrail häm Fälestin cirlärendä bulğan Annan İzrailneñ yuğarı räsmiläre belän oçraşuldarda blokadanı tuqtatırğa çaqırğan ide.

Belgeçlär fikerençä, Törkiädäge Kördstan İreklek Laçınnarı törkeme - PKKnıñ şähärdäge qanatı

Soñğı 3 köndä Törkiäneñ Urta diñgez yar buylarında häm İstanbulda berniçä bomba şartladı. Düşämbe könne Antalya şähärendäge şartlawda 3 törek hälak buldı, distälärçä keşe, şul isäptän İran, rusiä, İzrail häm Germaniä turistları yaralandı. Şartlawlar öçen cawaplılıqnı üz östenä Kördstan İreklek Laçınnarı dip atalğan törkem aldı. Britaniädä çığuçı The Economist jurnalınıñ Törkiä xäbärçese Azatlıq radiosına älege törkem häm anıñ maqsatları turında söyläde.

Kofi Annan Yewropa Berlege ministrları belän Libanda Tınıçılq Saqlaw köçläre turında söyläşä

Yewropa Berlege Libandağı tınıçlıq köçlärenä öleş kertü turında kiñäşläşülärne däwam itä. Comğa könne BMO general sekretare Kofi Annannıñ Brüsseldä Yewropa Berlege illäre tışqı eşlär ministrları belän oçraşuında da süz şul turıda bara. Oçraşu axırında Libandağı 15 meñlek xalıqara köçlärne Yewropanıñ qaysı ile, Fransiäme yäki İtaliäme citäkliäçäge iğlan iteler dip kötelä.

Rusiä räsmiläre fikerençä, TU-154 oçqıçı hälakäte säbäbe yäşen bula ala

Ukrainada sişämbe könne Donetski şähäre yanında bulğan oçqıç qazası qorbannarın matän belän iskä aldılar. Anapadan Piterburğa oçqan Pulkovo hawa yullarınıñ TU-154 oçqıçında 170 keşe bulğan. Şularnıñ 39-ı balalar. Pulkovo hawa yulları Rusiäneñ iñ imin hawa şirkätlärennän sanala ide. Bu hälakät Rusiä hawa şirkätläreneñ xäle turında tağın ber qat uylanırğa mäcbür itä.

Yewropa Berlege Libandağı Tınıçlıq Köçlärenä öleş kertü turında söyläşügä cıyıla

Çärşämbe könne Yewropa Berlege illäre tışqı eşlär ministrlıqlarınıñ citäkçeläre Brüsselgä cıyılıp Libanğa östämä tınıçlıq köçläre cibärü mömkinlege turında söyläşäçäk. Bu cıyın Fransiä möräcäğäte nigezendä çaqırıla. Fransiä Libandağı BMO tınıçlıq köçlärenä üzennän zur öleşe kerter dip kötelsä dä anda azsanlı xärbilär genä cibäräçägen iğlan itte. İzrail xäzer Libandağı tınıçlıq köçlärendä töp rolne alunı sorap İtaliägä möräcäğät itte. Ämma Fransiäneñ Libandağı tınıçlıq köçläreneñ maqsatları häm eşçänlek qağidäläre açıq itep bilgelänmägän digän borçıluları zur öleş kerterdäy başqa illärgä dä xas bulırğa oxşıy.