шәкли фәһем

автор: шәкли фәһем

• октябрь 22, 2007

  Polşada oppozitsiä ciñde – säyäsättä nindi üzgäreşlär kötelä?

  Yäkşämbedä Polşada ütkän parlament saylawlarında ciñüne oppozitsiädäge Watandaşlar Platforması yawlağan. Cıyğan tawışları 50%-qa citmäsä dä bu partiä sulçılar yä igençelär firqäse belän berläşep koalitsion xökümät tözi ala. Premier-ministr Yaroslav Kaczynskinıñ Qanun wä Ğädellek partiäse ciñelüen tanıdı. Polşada xakimiät alışınuı nindi üzgäreşlärgä kiterä ala?

• октябрь 19, 2007

  Çekistlarnıñ fikerläw üzençälekläre häm däwlät belän idarä itü räweşe

  Rusiädä xakimiät dilbegäsen üz qulına alğan qüät xezmätläre wäkilläre turında küzätülär şälkemen däwam itäbez, xörmätle tıñlawçılar. Uzğan tapşırularıbızda prezident Putinnıñ yaqın tirälegen täşkil itkän siloviklar-çekistlar, alarnıñ üz-ara tartqalaşuları turında söylägän idek. Bügenge yazmada şuşı tirälekneñ fiker yörtü üzençälekläre häm monıñ il belän idärä itügä niçek täesir itüenä tuqtalırbız.

• октябрь 18, 2007

  Bush: Törkiä-Ğiraq, Rusiä-İran häm başqa xalıqara mäsälälär turında

  Çärşämbedä Quşma Ştatlar prezidentı George Bush Aq yortta jurnalistlarnı cıyıp matbuğat oçraşuı ütkärde. 45 minut däwam itkän bu oçraşu waqıtında ul törle xalıqara mäsälälärgä tuqtaldı.

• октябрь 17, 2007

  Rusiä belän İran – säyer par?

  Sişämbedä Tähranda ütkän Kaspi illäre sammitı qısalarında Rusiä prezidentı Vladimir Putin İran prezidentı Mäxmüt Äxmädinecat belän oçraştı. Kreml xucasınıñ İranğa 1943 yıldan birle kilgäne yuq ide. Ozaq yıllar buyına Mäskäw belän Tähran köndäşlär bulıp yäşäde. Xäzer isä Mäskäw Tähranğa qarata başqa moğämmälä kürsätä. Mänfäğätlärennän çığıp.

• октябрь 16, 2007

  Ukrainada qabat "äflisun" xökümäte tözelä. Ütkännän sabaq alınğanmı?

  Ukrainanıñ Könbatış taraflı partiäläre düşämbedä yaña xökümät tözergä kileşte. Uzğan ay ütkän parlament saylawlarında prezident Viktor Yuçenko häm elekke premier Yuliä Timoşenko blokları, bergäläp, tawışlarnıñ küpçelegen cıyğan ide. Şulay itep, Äflisun inqilabın oyıştıruçılar yänä berläşä. Bu yulı ozaqqamı?

• октябрь 15, 2007

  Putinğa İranda höcüm bulu ixtimal digän xäbärlär qayan kilä?

  Sişämbedä Tähranda Kaspi buyı illäreneñ sammitı ütäçäk. Yäkşämbedä mäğlümät çaraları, Rusiäneñ küzläw çığanaqlarına tayanıp, İranğa säfäre waqıtında Rusiä prezidentına höcüm äzerlänä, digän xäbär tarattı. Şuşı xäbärlär Putinnıñ İranğa säfäre tiräsendä zur şaw-şu tudırdı.

• октябрь 12, 2007

  Rice häm Gates Mäskäwdä Rusiä räsmiläre belän kileşä almadı

  Quşma Ştatlarnıñ däwlät sekretare Condoleezza Rice häm saqlanu ministrı Robert Gates comğa könne Mäskäwdä Rusiä räsmiläre belän Yewropada raketa qalqanı urnaştıru planı turında söyläşülär ütkärde. Söyläşülärdän soñ Rusiäneñ tışqı eşlär ministrı Sergei Lavrov taraflar kileşügä ireşä almadı dip belderde.

• октябрь 11, 2007

  Kasparov: Rusiä demokratiä buludan tuqtadı

  "Novaya gazeta" küzätüçese Anna Politkovskaya ülemenä 1 yıl tulu uñayınnan bu könnärdä dönyanıñ törle illärendä iskä alu çaraları ütä. Uzğan atnakiç şundıy çara radiobıznıñ Pragadağı baş fatirında ütkän ide, çärşämbedä Waşingtonda ütte. Azatlıq/Azat Yewropa radiosı häm Kongressnıñ keşe xoquqları komitetı oyıştırğan çarada Rusiä häm Quşma Ştatlardan küp kenä tanılğan keşelär qatnaştı. Oppozitsiä citäkçese Garri Kasparov üzeneñ çığışında, Rusiä demokratiä buludan tuqtadı, digän süzlär äytte.

• октябрь 10, 2007

  Putin belän Sarkozy Mäskäwdä "qaraşların yaqınayttı"

  Fransiä prezidentı Nicolas Sarkozynıñ Rusiä säfäre däwam itä. Çärşämbedä Rusiä prezidentı Vladimir Putin belän bulğan söyläşülärdän soñ Sarkozy İran häm Kosovo mäsäläsendä bezneñ qaraşlar beraz yaqınaydı digän näticä yasadı.

• октябрь 03, 2007

  Keşe xoquqları aktivistları: "Brussel belän Mäskäw – suqır belän çuqraq sıman"

  Rusiädä keşe xoquqları torışın yaxşırtu öçen Yewropa Berlege qulınnan kilgänen eşlime? Rusiäneñ tanılğan aktivistları bu sorawğa ''yuq'' dip cawap birä. Şuşı atnada Yewropa parlamentı wäkilläre belän bulğan oçraşuda alar Brussel belän Mäskäw arasındağı dialognıñ körçekkä terälüenä ükeneç belderde.

• октябрь 01, 2007

  Kasparov prezidentlıqqa namzät itep saylandı

  Yäkşämbedä oppozitsiädäge "Başqa Rusiä" koalitsiäse elekke dönya çempionı Garry Kasparovnı kiläse yılda ütäçäk prezident saylawlarına berdäm namzät itep sayladı. Kasparov, üzeneñ prezident bulu ixtimalınıñ zur bulmawın añlasa da, Rusiädä çın oppozitsiä buluın kürsätergä teläwen belderde.

• сентябрь 30, 2007

  Ukrainada parlament saylawları

  Ukrainada bügen waqıtınnan alda parlament saylawları ütä. Soñğı 3 yılda bu inde 4nçe saylawlar Könbatış taraflı prezident Viktor Yuçenko belän Rusiä taraflı premier Viktor Yanukoviç arasındağı säyäsi qarşılıqnı beterü maqsatı belän bilgelängän ide.

• сентябрь 26, 2007

  Rusiä räsmiläre Putinnı tänqitlägän kitapta ekstremizm ezli

  Sişämbedä Mäskäwneñ Basman mäxkämäse ber kitapnı ekstremistik dip tanırğamı-yuqmı digän mäsälädä tıñlawlar başladı. Rusiädä İslamğa bağışlanğan kitaplarnıñ ekstremistik dip tıyıluı yañalıq tügel. Yañalıq şunda: bu yulı kitap İslamğa tügel, ä Putin säyäsäten tänqitläwgä bağışlanğan.

• сентябрь 25, 2007

  Rusiä xökümätenä kemnär kilde, kemnär kitte?

  Düşämbe kiçendä Rusiä prezidentı Vladimir Putin, nixayät, ilneñ yaña xökümäten iğlan itte. Öç ministrdan qala, xökümät äğzaları barısı da urınnarın saqlap qaldı. Berençe qaraşqa, yaña xökümät elekkesennän ällä ni ayırılmıy şikelle. Şulay da, iğtibarğa layıqlı qayber üzgäreşlär bar.

• сентябрь 21, 2007

  Rusiädä korrupsiägä qarşı köräşep bulamı?

  Comğa könne Rusiäneñ yaña premier-minsitrı Viktor Zubkov prezident Vladimir Putinğa yaña xökümät turında täqdimnären citkerde. Näq ber atna elek, Dumada raslanır aldınnan yasağan çığışında, Zubkov korrupsiägä qarşı köräşne töp maqsatlarınıñ berse dip atağan ide. Rusiäneñ yaña xökümät citäkçese şuşı maqsatına ireşä alırmı?

• сентябрь 20, 2007

  İnguşetiä yaña "qaynar töbäkkä" äylänäme?

  Soñğı atnalarda İnguşetiädän kön sayın diärlek küñelsez xäbärlär kilä. Äle urıs, äle çegän keşelären üterüläe, militsiägä höcümnär, keşe urlawlar, xättä respublika prezidentına höcüm itülär. Şuşı kierenkelek artunıñ säbäbe närsädä?

• сентябрь 19, 2007

  Bolton: AQŞ-Rusiä mönäsäbätläre şäptän tügel

  Buş administratsiäse, AQŞ belän Rusiä arasında yaña strategik xezmättäşlek urnaştıruğa ireşä almadı. Şuşı belderüne Quşma Ştatlarnıñ Berläşkän Millätlärdäge elekke ilçese John Bolton, sişämbedä Waşingtonda Rusiägä bağışlanğan ber konferensiädä yasadı.

• сентябрь 18, 2007

  AQŞ belgeçläre Gäbälä radarın tikşerde

  Sişämbedä Quşma Ştatlarnıñ xärbi belgeçläre Äzärbaycanğa kilep andağı Gäbälä radar stansiäse belän tanıştı. Räsmi Mäskäw Waşingtonğa, Yewropada yaña raketa qalqanı qorğançı, şuşı stansiäne bergäläp qullanırğa täqdim itkän ide.

• сентябрь 17, 2007

  Rusiädä xakimiät oligarxlardan siloviklar qulına küçte

  Şulay itep, Rusiädä saylaw aldı şawqımı başlandı. Läkin dikäber ayında ütäçäk parlament saylawlarında da, kiläse yılnıñ martında ütäçäk prezident saylawlarında da, Rusiäneñ qaysı yuldan kitäçäge tügel, ä xäzerge säyäsi köçlärneñ qaysıları uırının saqlap qalaçaq - töp soraw şul bulır sıman.

• сентябрь 14, 2007

  Zubkov Rusiäneñ yaña premierı buldı

  Comğa könne Rusiäneñ yaña xökümät citäkçese buldı. Prezident täqdim itkän Viktor Zubkovnı Däwlät Duması, aldan kötelgänçä, bu urınğa rasladı. Zubkov üzeneñ çığışında Putin säyäsäten däwam itäçägen belderde.

дәвам