шәкли фәһем

Quşma Ştatlarnıñ İran strategiäse xäzer nindi?

İrannıñ uran bayıtunı tuqtatu taläben kire qağuına Berläşkän Millätlärneñ İminlek Şurası xäzer cawap ezli. Amerikan räsmiläreneñ, älegä ber çara da kire qağılmıy, digän kisätüläre Quşma Ştatlar İranğa höcüm itärme digän sorawlarnı yänä qızdırıp cibärde. Washingtonnıñ İran säyäsäte bügen nidän ğibärät?

İrannıñ kürşe illäre İranda suğış başlanu ixtimalına borçılu belderä

İrannıñ atom programı tiräsendäge wazğiät qıza barğan ber mäldä, Washington belän Tährannıñ süz köräşterüe axır çiktä köç qullanuğa kitermäsme digän borçular da arta. Radiobıznıñ xäbärçeläre İran yänäşäsendäge illärdä yäşäwçe keşelärgä, İranda suğış başlansa, anıñ sezgä yoğıntısı nindi bulaçaq digän soraw birde.

Xalıqara Yustitsiä Mäxkämäse: Bosniädä genotsid bulğan, läkin anı Serbiä qılğanı isbat itelmägän

Şuşı atnada Xalıqara Yustitsiä Mäxkämäse Serbiäneñ, däwlät bularaq, Bosniä suğışı waqıtındağı genotsid öçen cawaplı ikänen isbatlaw öçen citärlek dälil yuq, digän qarar çığardı. Şuşı qarar kiläçäktä qaralaçaq genotsid eşlärenä häm ğomümän, xalıqara xoquq öçen bik möhim ölge bula ala.

Cheney Bagram nığıtmasında bulğanda intiharçı qapqa töbendä bomba şartlattı

27 Fevral Äfğanstanda çit il ğäskärläre urnaşqan Bagram nığıtmasına intihar höcüm yasaldı. Qorbannar sanı turında qarşılıqlı mäğlümätlär kilä. Ämmä şul bilgele, höcüm waqıtında nığıtmada Quşma Ştatlar vitse-prezidentı Dick Cheney da bulğan. Aña zıyan kilmägän.

79. Oscar tantanası: Martin Scorsese nixayat "iñ yaxşı rejisser" dip ataldı

Düşämbegä qarşı töndä Los Angeles şähärendä kino dönyasınıñ töp waqiğası bulıp uzdı. Qazanda inde tañ atqanda, Hollywoodta, inde 79nçı märtäbä, mäşhür Oscar büläklären tapşıru tantanası ütte. İñ yaxşı rejisser isemenä bu isemgä inde küptän däğwa itkän Martin Scorsese laıyq buldı.

AQŞ: Yewropa qalqanı Rusiägä tügel, Tönyaq Korea, İranğa qarşı

Bilgele bulğança, Quşma Ştatlar Yewropada raketa qalqlanı buldırırğa niätli. Ul Tönyaq Korea häm İran kebek illärneñ ixtimal höcümennän saqlanu öçen dielsä dä, räsmi Mäskäw bu niätkä qarşılıq belderä. Atnakiç könne Quşma Ştatlarnıñ ike yuğarı räsmie şuşı mäsälägä añlatmaların birde.

Baradei süzen äytte, İrannı alda ni kötä?

22 Fivral Xalıqara Atom Energiä İdaräse İrannıñ atom programı turında xisabın iğlan itte. Anda İran BMOnıñ İminlek Şurası taläben ütämäde digän näticä yasalğan. İranğa uran baytuın tuqtatu öçen birelgän 2 ay waqıt çärşämbedä çıqtı. Tähran atom eşçänlegen däwam itäçägen belderde. İrannıñ atom programı tiräsendäge nizaq belän xäzer närsä bulaçaq?

21 Fivral – xalıqara Ana tele köne: Rusiäneñ tönyağında tellär ülä bara

Bügen xalıqara ana tele köne. Berläşkän Millätlärneñ UNESCO oyışması bu könne tellär häm mädäniätlär törlelegen üsterü öçen qullana. Dönyadağı 6 meñläp telneñ yartısına yuqqa çığu yanıy. Alar arasında Rusiä xalıqları tellär dä bar. Bu tellärneñ qayberlärendä ni barı berniçä distä keşe söyläşä.

Qatarda AQŞ-İslam Dönyası Forumı ütte

Quşma Ştatlar belän İslam dönyası arasındağı upqınnıñ säbäpläre närsädä? Annan çığu öçen närsä eşlärgä kiräk? Qatar başqalası Dohadada ütkän Quşma Ştatlar-İslam dönyası forumı dip atalğan cıyında qatnaşuçılar 3 kön buyı şuşı sorawlarğa cawaplar ezlädelär. Düşämbe könne tämamlanğan bu cıyında Quşma Ştatlardan häm 30-dan artıq möselman ilennän säyäsätçelär, ğalimnär, cämäğät eşlekleläre, barlığı 200läp keşe qatnaştı.

Aziädä Altın Duñğız yılı başlandı

Keläm dönyası-II: Irhan Nisametdin

Çal tarixlı keläm dönyası bügen nindi ügäreşlär kiçerä? Bu käseptä qaysı illär alda bara? Keläm säwdäsendä tatar telen belü yärdäm itäme? Yaxşı kelämneñ bäyäse küpme? Şuşı häm başqa sorawlarğa keläm belgeçe İrhan Nizametdin cawap birä, 17 Fivral şimbä könne Azatlıq dulqınnarında.

2003 yıl İstanbul höcümnäre öçen ğömerlek törmä cäzası birelde

Törkiädä soñğı 7 yılda iñ şaw-şulı mäxkämä eşe tämamlandı. Törek mäxkämäse 2003 yılda İstanbulda intihar höcümnär oyıştıruda ğäyeplängän barlığı 48 keşegä xökem çığardı. Äl-Qaidä äğzaları dip şiklänelgän 7 keşe ğömerlekkä irektän mäxrüm itelde, qalğan 41-nä 18 yılğa qädär törmä cazası birelde.

Ramzan Qadırov Çeçnä prezidentı buldı. Älegä waqıtlıça

Atnakiç könne Rusiä prezidentı Vladimir Putin xakimiättä berniçä üzgäreş başqardı. Şul isäptän, Çeçnä prezidentı Alu Alxanov Yustitsiä ministrı urınbasarı itep Mäskäwgä küçerelde. Anıñ wazıyfası waqıtlıça premier-ministr Ramzan Qadırovqa yöklände. Qadırov axır çiktä Çeçnäneñ prezidentı bulaçaqmı?

Keläm dönyası-I: Domotex yärminkäse

12-15 Ğinwar Germaniäneñ Hannover qalasında xalıqara keläm yärminkäse ütte. Domotex dip atalğan bu kürgäzmä dönyada iñ zurlarınıñ berse, anda törle illärdän kilgän keläm yasawçılar, satuçılar, satıp aluçılar, bizäwçelär qatnaşa. Şuşı waqiğanı forsat itep bügen sezne, berençe qaraşqa ğadi, ämmä bik tä üzençälekle keläm dönyasına çaqırabız.

Rusiä: kontrolne kimetmiçä genä iqtisadnı näticäleräk itep bulamı?

Rusiä iqtisadı ike bağanağa tayanğan – neft häm gazğa, digän äytem bar. Prezident Putin, xäzer bu xalätne üzgärtergä, iqtisadnı törländerergä, citeşterü tarmağın köçäytergä kiräk di. Läkin Rusiä bazarın äwzemräk itü öçen, Kremlgä yaratqan äyberse – kontroldän waz kiçergä turı kiläçäk. Putin moña äzerme?

"Yewropanıñ soñğı diktatorı" – Lukaşenkanıñ yalğız tormışı

Moñarçı gel Rusiägä qarap torğan Belarus prezidentı Aleksandr Lukaşenkanıñ Mäskäw belän araları suınğannan soñ, xäzer ul nişlär, "Yewropanıñ soñğı diktatorı" dip yörtelgän citäkçe yözen Yewropağa taba borırğa mäcbür bulmasmı?

Litvinenko eşe turında Berezovski

Elekke FSB ofitserı Aleksandr Litvinenkonıñ ülemen tikşerüçe Britan politsiäse eşne prokuraturağa tapşırdı. Tikşerüçelär älegä ber belderü dä yasamadı, ämmä Britaniä mäğlümät çaraları, Scotland Yardtağı çığanaqlarına tayanıp, töp şiklänelüçe – Litvinenko belän Londonda oçraşqan Rusiä eşquarı Andrei Lugovoy dip xäbär itte. Londonda sörgendä yäşäwçe Rusiä eşquarı Boris Berezovski radiobıznıñ urıs bülegenä birgän äñgämäsendä, Litvinenko üze dä üler aldınnan miña şul isemne äytkän ide, dide.

Quşma Ştatlarnıñ xosusıy oyşması Paqstan mädräsälären üzgärtergä tırışa

Paqstandağı mädräsälär dini tüzemsezlek tärbiäläw urını, anıñ şäkertläre soñnan Taliban saflarına basıp kürşe Äfğanstanğa ütep kerä, digän kiñ taralğan qaraş bar. Quşma Ştatlardağı ber xosusıy oyışma bu qaraşnı tözätü, şuşı mädräslär belän Könbatış arasında añlaşu buldıru eşenä alınğan. Düşämbedä Washingtonda şuşı eşçänlekkä bağışlanğan tügäräk östäl ütte. Anda Paqstannan kilgän ike möselman citäkçese dä qatnaştı.

Paqstan prezidentı Yaqın Könçığış nizağın çişü eşenä kereşäme?

Yaqın Könçığışta köç qullanunı tuqtatu tırışlıqlarınıñ tuqtalıp torğanı yuq. Törle däräcädä räsmilär, säyäsätçelär töbäkkä barıp oçraşular ütkärä. Germaniä kanslerı Angela Merkel anda Yewropa Berlege räise sıyfatında yörsä, Paqstan prezidentı Pärwäz Möşärräf üz başlanğıçına xuplaw qazanu öçen möselman illärenä säfären başlap, düşämbedä İranğa kilde.

Ğiraq premier-ministrı Bağdad şartlawı öçen "säddamçılarnı" ğäyepli

Şimbä kön Bağdadta 130-lap keşeneñ ğömeren özgän intihar höcüm öçen Ğiraq premier-ministrı Nuri Äl-Mäliki Säddam Xösäyen tarafdarların ğäyepläde.