Башкортстанда Кытай мәдәнияте һәм теле үзәге ачылачак. Ул Уфаның 39-нчы гимназиясендә урнаша. Бу уку йортында инде икенче ел кытай теле укытыла. Барысы да әйбәт, тик республикада кытай телен белүчеләр дә, укытучылар да юк диярлек. Бу җәһәттән Шеньян университеты үз ярдәмен тәкъдим итте. Алар Уфага килеп гимназиянең мөмкинлекләре белән танышты. Гомүмән, Кытай вәкилләре үз телләрен өйрәтүдә Башкортстан белән генә чикләнеп калмаячакларын белдерде. Алар Башкортстан тәҗрибәсен Русиягә тарату максатын куя. Июль аенда Уфада узачак ШОС һәм БРИКС саммитлары вакытында Кытай теле үзәген рәсми ачу карала.