Şuşı atnada Quşma Ştatlar prezidentı George Bush Ğiraqtağı yaña strategiäsen iğlan itergä cıyına. Bu kön yaqınlaşqan sayın Washingtonda bäxäslär qıza bara. Kongressnı kontrol itüçe oppozitsiädäge demokratlar Ğiraqta suğışnıñ tağı da cäyelüenä yul quymayaçağın belderä. Läkin alarnıñ üz strategiäse barmı?
Soñğı waqıtta Könbatışta İslam mäsälälärenä iğtibar bermä-ber arttı. Yewropanıñ abruylı basmalarında kön sayın diärlek İslam belän bäyle mäqälälär basıla. Monıñ säbäbe närsädä? Möselmannar çit moxitkä niçek yaraqlaşa? Cirle xalıq alarğa nindi möğämälä kürsätä?
Quşma Ştatlar prezidentı George Bush Ğiraqtağı xärbi citäkçelektä citdi üzgäreşlär başqara. Bu üzgäreşlär kiläse atnada iğlan iteläçäk yaña strategiäneñ ber öleşe dip sanala.
Törkmänstan prezidentı urınına däğwa itüçe 6 namzät bu atnada räsmi räweştä saylaw aldı kompaniäsen başlandı. İlneñ törle töbäklärenä barıp alar saylawçılar belän oçraşular ütkärä. Moñarçı alternativ saylawlarnı kürgäne bulmağan törkmän xalqı namzätlärdän küp kenä yaña äyberlär işetä.
Pänceşämbe 4 Ğinwar könne Quşma Ştatlarnıñ yaña Kongressı eşkä kereşä. Soñğı 12 yılda berençe tapqır Kongressnıñ ike pulatında da demokratlar citäkçelek itäçäk. Respublikan prezident George Bush, wazifasınıñ soñğı ike yılında, demokratlarnı anıñ belän xezmättäşlek itergä çaqırdı.
Näq ber yıl elek Rusiä belän "gaz suğışı" kiçergän Ukraina, xäzer şuşı gaz importına bäylelekne kimetü öçen, kümer qullanunı arttırırğa cıyına. Ul arada, Ukrainanıñ üzendä qotıçqıç zur külämdä sazlıq gazı - metan - yatmaları bar. Bar mäsälä şunda – bu gaznı çığarırğa öyränäse bar.
Säddam Xösäyenneñ asılu küreneşe Ğiraqta kierenkelek artuğa kiterde. Kesä telefonına yazılıp, İnternet aşa taratılğan yazmada Säddamnıñ, soñğı minutlarında, mäsxärä itelgäne kürenä. Bu kierenkelek amerikan prezidentı George Bush Ğiraqta yaña strategiäsen iğlan itergä äzerlängän waqıtqa turı kilde.
2006 yıl Rusiä öçen Zur 8-lektä räislek yılı buldı. Sovetlar Berlege cimerelgännän birle bu Mäskäw öçen iñ yuğarı wazifa buldı. Yıl başında iğitibar Rusiägä yünälde, Könbatışta Mäskäw bu wazifağa ni däräcädä layıqlı, digän bäxäslär bardı. Şuşı şiklär yıl axırında da qala birä.
Rusiä belän Belarus arasındağı gaz bäxäsennän başlıybız, xörmätle tıñlawçılar. Gazpormnıñ kiläse yıldan gaz bäyäsen arttıru niäten räsmi Minski "provakatsiä" dip atadı. Mäskäw, kileşügä ireşelmäsä, 1nçe ğinwardan Belarusqa gaz cibärüne tuqtatu belän yanıy.
Sişämbedä Ğiraqnıñ apelätsiä mäxkämäse Säddam Xösäyengä çığarılğan ülemgä xökem itü qararın köçendä qaldırdı. Prezident Cäläl Talabani bu qararnı raslağan oçraqta, Säddam 30 kön eçendä asılırğa tieş bulaçaq. Ğiraqnıñ üzendä dä, çitendä dä bu uñaydan qarşılıqlı fikerlär äytelä. Beräwlär Säddam cäzağa tartılırğa tieş disä, ikençelär – ülem xökemenä qarşı çığa.
Törkmanstan belän 2 distä yıldan artıq idarä itkän Saparmurat Niyazov uzğan atna wafat bulğannan soñ, sişämbedä ilneñ Xalıq Şurası kiläse prezident saylawları könen bilgeläde. Saylawlar 2007 yılnıñ 11 Fivralendä ütäçäk.
Düşämbegä qarşı töndä Könbatış dönyası Raştua bäyrämen bilgeläde. Kübesençä pravoslav bulğan Rusiädä dä soñğı waqıtta bu bäyrämne katoliklar belän bergä bilgeläw ğädäte kerep bara. Bıyıl Qazanğa berençe tapqır Bätlähemdä qabızılğan tınıçlıq wä duslıq utı kiterelde. Ä menä Könbatışta, şul isäptän küp dinle Quşma Ştatlarda, Raştua tiräsendä, kiresençä, bäxäslär quba.
Törkmänstan prezidentı Saparmurat Niyazovnıñ üleme, berayqtan ildä üzgäreşlär başlaw öçen forsat bulıp kürensä, ikençe yaqtan, Törkmänbaşı tözep qaldırğan sistemnı iskä alğanda, bu üzgäreşlär küp kenä awırlıqlar da tudırırğa mömkin.
Britaniä premier-ministrı Tony Blair İrannıñ xäzerge citäkçelegen Yaqın Könçığıştağı tınıçlıqqa töp kirtä dip atadı. Yaqın Könçığış illärenä säfär qılğan Blair İrandağı "ekstremistlarğa" qarşı berläşergä, andağı salmaq köçlärgä yärdäm kürsätergä çaqırdı.
19 Dikäber elekke sovet citäkçese Leonid Brejnev tuuına 100 yıl. Anıñ idaräsendäge 18 yıl tarixqa torğınlıq çorı dip kerep qaldı. Läkin bügen küplär ul yılllarnı sağınıp iskä ala, torğınlıq tügel, totrıqlılıq çorı, dip atıy.
Sişämbedä Qırğızstan xökümäte urınınnan kitte. Premier-ministr Feliks Kulov bu adımnı yaña konstitutsiäne ğämälgä quyu kiräklege, xakimiätneñ başqarma häm qanun çığaru tarmaqları arasında bäyläneş betüe belän añlattı.
Yewropada "İslamofobiä" köçäyä, uqırğa kergändä, eşkä urnaşqanda, toraq alğanda möselmannarnıñ xoquqları qısıla. Yewropa Berlegeneñ 18 Dikäber bäyän itelgän yaña xisabında änä şundıy näticä yasalğan. Xisapta äytelgänçä, bu wazğiätne tözätü öçen xökümätlär dä, möselmannar dä, kübräk eşlärgä tieş.
Belarus oppozitsiäse citäkçese 5 yarım yılğa iregennän mäxrüm itelgän Aleksandr Kazulin, 53 kön açlıq totqannan soñ, qarşılıq ğämälen tuqtatırğa buldı. Anıñ töp taläbe – Belarustağı keşe xoquqları torışın BMOnıñ İminlek Şurasında tikşerü taläbe – ütälmäde. Läkin xalıqara häm ildäge reaksiäne iskä alğanda, bu ğämäl yuqqa bulmağan, diärgä bula.
дәвам
