шәкли фәһем

Qazaxstan prezidentı: Bez Könbatışnıñ aqıl öyrätüenä moxtac tügel

Qazaxstan prezidentı Nursoltan Nazarbaev uzğan comğada ber säyer belderü yasadı. Könbatıştan şaqtıy küp investitsiä cälep itkän ilneñ citäkçese – Nazarabev - Qazaxstan Könbatış illäreneñ kiñäşlärenä moctac tügel, digän süzlär äytte. Diplomatiä qısalarına sıyışıp betägän bu süzlär artında närsä yata?

Washington belän London Ğiraqtağı strategiäne üzgärtü yulların tikşerä

Quşma Ştatlarda Kongress saylawlarında demokratlar ciñgäç Washingtonnıñ Ğiraq strategiäsen üzgärtü mäsäläse kön tärtibenä mende. Saylaw näticäläre bilgele buluğa prezident Bush saqlanu ministrın urınınnan aldı. Düşämbedä ul Ğiraqta yaña çişeleş ezlägän maxsus törkem belän oçraştı. Qısqası, üzgäreşlär hawada elenep tora. Alar nidän ğibärät bulaçaq?

Elekke qaçaq uñışlı käsep qora alğan

Könbatış belän könçığış arasındağı kierenkelek, mädäniätlär arasındağı qarşılıqlar, älbättä, Yewropa illärenä küçep kilgän möhacirlär yazmışında çağılış taba. Şul uq Britaniägä kilgän qaçaqlar, sıyınu sorawçılar yış qına matbuğatta cirle xalıq cilkäsenä "östämä yök" itep taswirlana. Ä menä "kilmeşäklärneñ" uıñışları, bu ilneñ iqtisadına öleş kertü misalları turında siräk işetelä.

"Aqsaq ürdäk" George Bushnıñ qalğan ike yılı awır bulaçaq

Kongress saylawları näticäsendä Quşma Ştatlar xakimitendä, säyäsätendä nindi üzgäreşlär bulır, digän sorawlar iğtibar üzägendä qala birä. Prezident Bushnıñ Aq Yortta tağın ike yıl waqıtı bar. Küp kenä küzätüçelär fikerençä, aña bu soñğı ike yılında awır bulaçaq.

Golts: Kongressqa demokratlar kilgäç Washington-Mäskäw araları suınaçaq

Amerikan Kongressında xakimiätkä demokratlar kilgäç Quşma Ştatlar-Rusiä mönäsäbätlärendä nindi üzgäreşlär kötelä? Rusiä matbuğatında ike aradağı mönäsäbätlär suınaçaq, tışqı säyäsättä xezmättäşlek kimiäçäk digän farazlar äytelä. Şuşı soraw belän bez Yejenedelnıy jurnal basmasınıñ säyäsi häm xärbi küzätüçese Aleksandr Goltsqa möräcäğät ittek.

Qırğızstanda yaña konstitutsiä bulaçaq. Prezident wäkälätläre parlamentqa küçä

Uzğan töndä oppozitsiä wäkilläre xökümät taraflı deputatlar belän yaña konstitutsiä ölgese mäsäläsendä kileşügä ireşte. Prezidentnıñ xakimiäten çiklägän häm kübräk wäkälätle, zurraq parlament tözüne küz aldında totqan bu ölgene xäzer deputatlar tikşerergä tieş. Şuşı dokument ay buyı barğan säyäsi köräşkä noqta quyarğa mömkin.

Kosaçev: Kongress saylawlarınnan soñ AQŞnıñ Rusiä säyäsäte bik üzgärmäs

7 Noyäber Quşma Ştatlarda Kongress saylawları. Demokratlar uñışqa ireşkän oçraqta, Quşma Ştatlarnıñ Rusiägä qarata säyäsäte üzgärerme? Rusiä Dumasınıñ xalıqara mönäsäbätlär komitetı räise Konstantin Kosaçev düşämbedä Mayak radiosına bu xaqta üz fikerlären äytte.

Kongress saylawlarında demokratlar ciñsä, respublikan Bushnıñ tışqı säyäsäten üzgärtä alırmı?

Sişämbedä Quşma Ştatlarda Kongress saylawları. 1995 yıldan birle Kongressnıñ ike pulatında da küpçelekne respublikannar alıp tora. 12 yıl azçılıqta bulğan demokratlar bu yulı Wäkillär pulatın, barıp çıqsa, Senatnı da üz konrolenä alırğa cıyına. Demokratlar uñışqa ireşsä, bu prezident Bushnıñ tışqı säyäsätendä üzgäreşkä kiterä alamı?

Quşma Ştatlarda Kongress saylawları: kem närsä öçen tawış biräçäk?

7 Üktäber Quşma Ştatlarda Kongress saylawları. 12 yıl respublikannar qulında bulğan Kongress, hiç yuğı anıñ berär pulatı, bu yulı demokratlarğa küçergä mömkin digän farazlar bar. Amerikannar üz tawışların närsägä qarap birergä cıyına? Washingtondağı xäbärçebez Heather Maher ğadi amerikannar fikeren beleşte.

AQŞ: Ğiraq, terrorğa qarşı suğış, cancallar sürätendä Respublikannar Kongresstağı küpçelegen saqlap qala alırmı?

Kiläse sişämbe Quşma Ştatlarda Kongress saylawları ütä. Prezident Bushnıñ Respublikan partiäse Kongresstağı küpçelegen saqlap qala alırmı? Prezident saylawları bulmasa da, bu tawış birüne Bushnıñ prezidentlığı mäsäläsendä referendum dip qararğa bula. Fiker beleşülärgä qarağanda, amerikannar Bushnıñ tışqı säyäsäte, terrorğa qarşı suğışına qarap tawış biräçäk. Soñğı waqıtlarda Respublikannar qatnaşında bulğan cancallar da näticägä yoğıntı yasarğa mömkin.

Dönyada klimatnıñ üzgärüe iqtisadi töşenkelekkä kiterä ala

Dönyada klimatnıñ üzgärüe häm monıñ tirä-yün moxitkä tiskäre yoğıntısı turında ğalimnär inde küptännän kisätep kilä. Düşämbedä Dönya Bankınıñ elekke baş iqtisadçısı Nicholas Stern küptän kötelgän xisabın bäyän itte. Bu xisapqa kürä, aşığıç çaralar kürelmäsä, klimatnıñ cılınuı dönya iqtisadına qaza däräcäsendä zıyan kiteräçäk.

Nord-Ost faciğäsenä 4 yıl. Xatın-qızlarnı intiharğa närsä etärä?

26 Üktäberdä Mäskäwneñ Dubrovka teatrında bulğan totıq alu faciğäsenä 4 yıl tuldı. Rusiäneñ maxsus köçläre qullanğan ağulı gaz näticäsendä kimendä 129 sivil keşe häm 41 totıq aluçı ülde. Totıq aluçılarnıñ 19ı xatın-qız ide. Çeçen suğışı başlanğannan birle beryulı andıy sanda xatın-qıznıñ intihar yulına basqanı yuq ide äle. Xatın-qıznı mondıy qotıçqıç adımğa närsä etärä? Amerikan sotsiologı Rosemarie Skaine şuşı mäsäläne üzeneñ "İntiharçı xanımnar" digän kitabında tikşerde. Küptän tügel ul radiobızğa äñgämä birde.

Quşma Ştatlar Ğiraq strategiäsen üzgärterme?

Quşma Ştatlarnıñ Ğiraqtağı xälläre naçarayğannan naçaraya bara. Şuşı ayda ğına anda tağın 100gä yaqın amerikan xärbie häläk buldı. Üktäber ayı bu yılda iñ zur yuğaltulı ay buldı. Kongress saylawlarına ike atna qala amerikan xalqında Ğiraq suğışına qarşılıq köçäyä. Xättä Bushnıñ respublikan partiäse äğzaları Ğiraqtan xärbilärne çığarırğa çaqıra. Ğiraqqa basıp kergängä 3 yıl yarım buldı, Quşma Ştatlar närsägä ireşte?

Dönyanıñ iñ pıçraq urınnarı – Rusiägä tiñnär yuq

Rusiä räsmiläre aldında, ilne "kilmeşäklärdän çistartudan" tış, bälki tağı da möhimräk mäsälä tora – tirä-yün moxitne çistartu. Şuşı atnada Blacksmith İnstitute dip atalğan xalıqara ekologiä törkeme dönyada iñ pıçraq urınnar isemlegen iğlan itte. Qara isemlekneñ berençe 10-lığına Rusiäneñ beryulı 3 şähäre kertelgän.

Dönyada yaña aşqınıp qorallanu başlanamı?

Şuşı atnada Xalıqara Atom Energiä İdaräse başlığı Möxämmät Äl-Baradei, töp iğtibar İran belän Tönyaq Koreada bulsa da, dönyanıñ 30lap ile çağıştırmaça tiz arada atom qoralı yasıy ala, dip belderde. Älegä bu illärneñ kübese Atomnı Taratmaw Kileşüen (ATK) ixtiram itä, läkin belgeçlär fikerençä, wazğiät üzgärep, dönyada yänä aşqınıp qorallanu başlanırğa mömkin.

Yewropa Berlege mäclesendä Putin niçek qabul iteler?

Yewropa Berlegeneñ bu comğada Finlandiädä ütäçäk cıyınına, ğäyre-räsmi qunaq bularaq, Rusiä prezidentı Vladimir Putin da çaqırılğan. Ämmä diplomatlar, belgeçlär, küzätçelär, Berlektä räislek itkän Finlandiägä, Putinnı çaqırğan öçen tänqit belderä. Alar fikerençä, Putinnı Berlek citäkçeläre belän ber östäl artına utırtu, aña Yewropanıñ Mäskäw säyäsätenäge büleneşlärne faydalanırğa mömkinlek biräçäk.

Amerika Quşma Ştatlarında xalıq sanı 300 millionğa citte

Quşma Ştatlarnıñ Canisäp idaräse belderüençä, 17 Üktäber sişämbe könne AQŞtağı xalıq sanı 300 millionğa citäçäk. 39 yıl elek kenä, 1967 yılda, bu san 200 million ide. Xalıq sanınıñ şulay tiz üsüe 3 närsägä bäyle: urtaça ğömer ozınlığı arta, bala tuular ber däräcädä saqlana häm - bu üseşkä iñ zur öleş kertkäne - ilgä immigrantlar küp kilä.

Rusiädä xökümättän bäysez çit il oyışmalarına terkälü öçen waqıt çığa

18 Üktäber çärşämbe könne Rusiädä eşläwçe xökümättän bäysez çit il oyışmalarına terkälü öçen birelgän waqıt çığa. Distälägän humanitar oyışma wäkilläre xäzer qäğäz eşläre belän çaba. Şuşı köngä qädär terkälep ölgermäsälär, yä isä ğarizaları kire qağılsa, alar Rusiädä eşçänlegen tuqtatırğa mäcbür bulaçaq.

Ecuadorda prezident saylawları. Könyaq Amerikanıñ bu ilendä dä xakimiätkä sulçı kilergä mömkin

Bangladesh Möxämmät Yunısnıñ Nobel bülägen qotlıy