шәкли фәһем

2006 Nobel Tınıçlıq büläge fäqirlekkä qarşı köräşüçe Bangladesh bankirı Möxämmät Yunısqa birelde

Comğa könne Norvegiäneñ Nobel komitetı 2006 yılnıñ Tınıçlıq büläge iäsen iğlan itte. Şuşı abruylı büläk, bıyıl kötmägändä, Bangladesh keşese Möxämmät Yunısqa birelde. Üze oyıştırğan bank aşa keçkenä kreditlar öläşep ul millionlağan fäqir keşegä ayaqqa basırğa yärdäm itkän.

Rusiä 90-nçı yıllardağı yallap üterülär çorına kire äylänep qaytamı?

Soñğı ber ay eçendä Mäskäwdä ber-ber artlı 3 yañğıraşlı üterü buldı: Üzäk bank räsmie Andrei Kozlov, Vneştorgbank xezmätkäre Aleksandr Ploxin, tanılğan jurnalist Anna Politkovskaya. Alar barısı da yallap üterelgän dip sanala. Bu üterülär Rusiäneñ 90nçı yılların xäterlätte.

Washington belän Pxenyan arasında süz köräşterü bara

Tönyaq Koreanıñ atom sınawı xäbärennän soñ Washington belän Pxenyan arasında süz köräşterü başlandı. Çärşämbedä räsmi Pxenyan kiläse sınawlar Washingtonnıñ taşlamalar yasawına bäyle, digän belderü yasadı. Quşma Ştatlar BMOnıñ İminlek Şurasında Tönyaq Koreağa çikläwlär kertü xästärlegen kürä. Çärşämbedä Yaponiä üz çikläwlären inde kertte dä. Tönyaq Koreadan Yaponiägä tawar kiterü, bu ilneñ watandaşlarına, köymälärenä Yaponiägä kilü tıyılğan bulaçaq.

Quşma Ştatlar Tönyaq Koreağa çikläwlär kertergä täqdim itä

Tönyaq Koreanıñ atom sınawı ütkärü xäbärenä cawap itep, düşämbedä Quşma Ştatlar BMOnıñ İminlek Şurasına bul ilgä iqtisadi çikläwlär kertü turında qarar ölgesen täqdim itte. Pxenyannıñ atom sınawın bar illär, şul isäptän, anıñ belän elemtädä bulğan Rusiä belän Qatay da, tänqitläp çıqtı. Ämmä çikläwlär kertü qararın alar xuplarmı – älegä bilgesez.

Tönyaq Korea atom sınawı ütkärde. Dönya illäre kisken tänqit belderä

Meditsina: Här millätneñ üz daruı bula alamı?

Darular törle millät wäkillärenä törleçä täesir itäme? Millätlärneñ üz çirläre bulamı? Ägär şulay ikän, monı däwalaw ölkäsendä niçek qullanıp bula?

Elekke sovet illäre Rusiä-Gruziä nizağına nindi mönäsäbät belderä?

Rusiä prezidentı Vladimir Putin ilgä kilüçe migrantlar öçen qağidälärne tärtipkä salırğa quşqannan soñ, Mäskäw belän Tiflis arasındağı bäxäs aqrınlap başqa illärgä dä yoğıntı yasıy başlar digän şöbxälär tudı. Elekke sovet respublikarı Mäskäwneñ transport blokadası alarnıñ da iqtisadına zıyan kiterä, gruzinnardan soñ, başqa millätlär dä Rusiädän quıla başlar dip borçıla.

Kosovo Abxaziä belän Könyaq Osetiägä ürnäk bula alamı?

Yewropa Berlegeneñ tışqı säyäsät citäkçese Javier Solana Kosovonıñ bäysezlege Gruziäneñ Abxaziä häm Könyaq Osetiä töbäkläre öçen ürnäk bula ala digän borçılu belderde. Gruziäneñ bötenlegen yaqlasa da, räsmi Brussel prezident Saakaşvilinıñ, nizaqlı töbäklärgä xalıqara tınıçlıq köçlären cibärü üteneçen kire qaqtı.

Pulkovo hawa kompaniäse Yewropanıñ "qara isemlegenä" kertelergä mömkin

Rusiäneñ hawa yullarındağı iminlek mäsäläse çärşämbedä Mäskäwdä ütkän xökümät utırışında tikşerelde. Rusiäneñ oçular belän idarä itü sisteması iskergän, anı yañartırğa kiräk dielde. Ul arada Yewropa Berlege Rusiäneñ Pulkovo hawa kompaniäsen "qara isemlekkä" kertü mäsäläsen tikşerä. Berniçä atna elek bu kompaniäneñ oçqıçı Ukraina kügendä qazağa oçrap, andağı bar yulçılar häläk bulğan ide. Qara isemlekkä kertelgän xäldä Pulkovo oçqıçlarına Yewropa kügenä kerü tıyılğan bulaçaq.

Rusiä xärbiläre azat itelügä qaramastan, Mäskäw Gruziägä çikläwlär kertte

Düşämbedä Gruziä räsmiläre küzläwdä ğäyeplängän Rusiä ofitserların azat itügä qaramastan, räsmi Mäskäw bu ilgä çikläwlär kertte. Gruziä belän här törle transport bäyläneşe, poçta elemtäse tuqtatıldı.

Christian Science Monitor: Quşma Ştatlarda latin-amerikannar İslamğa tartıla

Financial Times: Möselmannarnı räncetüdän qurqıp Berlin operası Mozart äsären säxnädän aldı

Quşma Ştatlarnıñ Ğiraq turında iminlek xisabı Washingtonda şaw-şu tudırdı

Quşma Ştatlarnıñ Ğiraqqa basıp kerüe terrorçı törkemnärneñ artuına kiterde, digän yaña xisap Washingtonda zur şaw-şu quptardı. Küzläw idaräse citäkçese John Negroponte Ğiraq kampaniäse näticäsendä Quşma Ştatlarğa terror yanawı tağı da arttı digän näticäne kire qağa. Oppozitsiädäge demokratlar isä başqa fikerdä.

Benedict XVI möselman illäre wäkilläre belän oçraştı

Düşämbedä Rim papası Benedict XVI 20dän artıq möselman ileneñ Vaticandağı wäkilläre belän oçraşıp din-ara dialognıñ zur ähämiäte turına söyläde. İke atna elek yasağan ber çığışında papa İslamnı kimsetkän süzlär äytep möselmannarnıñ xislären räncetkän ide. Bügenge oçraşu şuşı kierenkelekne yomşartu maqsatınnan oyıştırıldı.

</p>The Economist: Älifba häm Säyäsät

Los Angeles Times: Tönyaq Amerika möselmannarınıñ yaña citäkçese möselmannarğa qarata mönäsäbätne uñayğa üzgärtä alırmı?

Dnestr buyı referendumı Rusiäneñ şaxmat taqtasında ber yöreşme?

Uzğan yäkşämbe Dnestr buyında ütkän bäysezlek turındağı referendumğa Mäskäwneñ turıdan-turı qatışuına dälillär bulmasa da, küplär bu tawış birüne Rusiäneñ elekke sovet kiñlegendä yoğıntısın saqlap qalu strategiäseneñ ber öleşe itep kürä. Könbatış Dnestr buyı referendumın kire qaqtı. Ämmä Brusseldäge belgeçlär fikerençä, bu tawış birü Mäskäw qanatı astındağı başqa separatist töbäklär öçen ürnäk bulıp tora häm dä Yewropa Berlege moña qarşı torırğa cıyınmıy kebek.

Macarstan oppozitsiäse premiernı urınınnan kitergä çaqıra

Macarstan premier-ministrı Ferenc Gyurcsany düşämbedä Soçida Rusiä prezidentı Vladimir Putin belän oçraşıp yörgändä, Budapeştnıñ üzendä yözlägän keşe premiernıñ urınınnan kitüen taläp itep, protest çaraları ütkärde. Sişämbegä qarşı töndä bulğan çualışlar näticäsendä yözdän artıq keşe yaralanğan. Bu xällärgä premiernıñ, bez saylawlarda ciñer öçen xalıqnı berniçä yıl aldap kildek, digän süzläre yazılğan ber tasma säbäp buldı. Taläplärgä qaramastan, Gyurcsany urınınnan kitmäyäçägen belderde.

Rawil xäzrät Ğäynetdin Papa Benedict XVI belderüe turında

Rim papası Benedict XVI üzeneñ ber çığışında İslam dinen kimsetkän süzlär äytep, möselmannarnı räncetkän öçen yäkşämbedä tirän ükeneçen belderde. Ul minem şäxsi qaraş tügel, ä ber sitat qına ide, dide ul. Qayber möselman ruxaniları bu añlatmanı qabul itte, qayberläre – monıñ belän genä qänäğät tügel, papanıñ ğafu ütenüen taläp itä.

Quşılmağan illär xäräkäte İrannı yaqlap çıqtı