шәкли фәһем

Äfğanstanda äfyün citeşterü artqan, Kabul östämä çaralar kürergä cıyına

Bilgele bulğança, elekke sovet illäre häm Yewropağa kilgän narkotiklarnıñ zur öleşe Äfğanstannan. Berläşkän Millätlärneñ soñğı xisabına qarağanda bıyıl Äfğanstanda äfyün citeşterü uzğan yıl belän çağıştırğanda 40 protsentqa artqan. Bu artu nigezdä könyaq vilayätlärgä turı kilä. Bertuqtawsız bäreleşlär arqasında andağı mäk basuların yuq itü eşläre bik sülpän bara. Kabul narkotiklarğa qarşı yaña çaralar kürergä cıyına.

İran yaña raketa sınawın belderde

Äfğanstan bäysezlegneñ 87 yıllığın bilgeläde

İranda karikatur kürgäzmäse açıldı: Möxämmät Päyğämbär vs. Holokost

Holokostqa bağışlanğan karikaturlar bäygese bar dönyada şuw-şu tudırdı. Ul düşämbedä İran başqalasında kürgäzmä räweşendä açıldı. Yäxüd oyışmaları, xökümätlär moña kisken tänqit belderä. Kürgäzmäne oyıştıruçılar anı Könbatışnıñ tüzemlegen sınaw dip atıy.

Tanılğan alman yazuçısı SSta bulğanın tanıdı: awğan potmı, batırlıqmı?

Tanılğan alman yazuçısı, Nobel büläge iäse Günter Grass ğömer buyı saqlağan seren açıp, ikençe dönya suğışı axırında Nazilarnıñ iñ yawız berämlege sanalğan SS ğäskärlärendä xezmät itkänen söyläde. Bu yañalıq Germaniä genä tügel, bar dönyada şaw-şu tudırdı.

Elekke sovet illäre yaña berlek tözi

Soçida Yewraziä İqtisadi Berläşmäse sammitı bara. Qısqaça Yewrazes dip atalğan bu berläşmägä 6 il kerä: Rusiä, Belarus, Qazaxstan, Qırğızstan, Üzbäkstan häm Tacıqstan. 3 könlek sammitnñ kön tärtibendä ike töp mäsälä – urtaq energetika wä su kiñlege buldıru häm tamojnya berlege tözü.

Libanda BMO köçlären urnaştıru: cawapsız sorawlar äle baytaq

İzrail belän Hizballa arasında ut tuqtatılğannan soñ xäzer Könyaq Libanda xalıqara köçlär urnaştıru mäsäläse iğtibar üzägenä mende. 15 meñlek xärbidän torğan köçlär qayaçan urnaşır, alarğa nindi wäkälätlär bireler? Cawapsız sorawlar baytaq, ä menä waqıt digäne küp tügel.

İzrail belän Hizballa arasında ut tuqtatıldı. Ozaqqamı?

Düşämbe irtäsendä İzrail belän Hizballa arasında ut tuqtatu turındağı kileşü köçenä kerde. Şulay itep ber aydan artıq barğan bäreleşlär tuqtatıldı. Ämmä bu solıxnıñ ğomere ozın bulırmı? Küp närsä xäzer kileşüne täemin itü tırışlıqlarına bäyle bulaçaq.

Britaniä: oçqıçlar şartlatu niätendä ğäyeplängän 24 keşe qulğa alınğan, yanaw däräcäse yuğarı bulıp qala

Britan politsiäse belderüençä, Amerikağa oçqan oçqıçlarnı şartlatırğa cıyınğan 24 keşe qulğa alınğan. Şularnıñ 19-ınıñ bank xisapları tuñdırılğan. Eçke eşlär ministrı John Reid, ildä kertelgän iñ yuğarı terror yanawı däräcäse älegä köçendä qala dip belderde.

Britaniädä "yaña 11 sintäber" - bik zur terror ğämäle oyıştıru niäte faş itelgän

Atnakiç könne Britan politsiäse Britaniä belän Quşma Ştatlar arasındağı oçqıçlarda şartlawlar äzerlängäne turında xäbär itte. Politsiä äytüençä terrorçılar şartlatqıçnı oçqıçqa qul bagajı belän alıp kerergä niätlägän. 21 keşe qulğa alınğan. London hawa alanı waqıtlıça yabılğan. Başqa il kompaniäläre dä iminlek çaraların köçyätte.

Hezbollanıñ köçe närsädä?

İzrail armiäseneñ hawa häm cir öste höcümnärenä 4 atna diärlek qarşıılq kürsätep kilgän Hezbolla törkemen xäzer küp kenä belgeçlär Ğäräp dönyasınıñ iñ köçle xärbi törkeme dip atıy başladı. Hezbollanıñ köçe närsädä soñ? Qoral külämendäme, xärbi idarädäme?

Leban BMO qararı ölgesenä üzgäreşlär kertergä teli

Lebanda bäreleşlär däwam itkän sürättä BMO İminlek Şurası alarnı tuqtatu yulların ezli. Uzğan atna axırında Fransiä belän Quşma Ştatlar bäreleşlärne tuqtatırğa çaqırğan qarar ölgese täqdim itte. Ämmä Leban häm başqa ğäräp illäre, bu dokumentqa İzrail ğäskärlären Lebannan çığaru taläbe kertelmägän dip, anı kire qaqtı.

Lebanda bäreleşlär däwam itä. Bäyrutqa amerikan räsmie kilde

Hizbolla törkeme İzrail başqalasına raketa cibärü belän yanıy

Ukraina: säyäsi körçekkä noqta, "äflisun inqilabına" yasinmı?

Atnakiç irtäsendä prezident Viktor Yuşenko 2004 yıl Äflisun İnqilabı çorında üzeneñ töp köndäşe bulğan Viktor Yanukoviçnı premier-ministr itep bilgeläde. Şuşı awır adımğa barıp Yuçenko ildä 4 ay däwam itkän säyäsi körçekkä noqta quydı. Aylarça säyäsi bilgesezlektän ğarıq bulğan Ukrainnarnıñ kübese nixayät, irken sulap quydı, ämmä qayberläre bu qarar Äflisun İnqilabı qimmätlärenä yasin bulmasmı, dip borçıla.

İzrail xärbiläre Lebanğa ütep kerep Hizbolla suğışçıların eläktergän

Çärşämbedä İzrail desantçıları Lebanğa 100 çaqırım çaması ütep kerep Hizbollanıñ berniçä suğışçısın eläkterüen xäbär itte. Hizbolla törkeme distälägän raketa belän cawap qaytardı. 2 täwlek waqıtlıça tınlıqtan soñ İzrail hawa höcümnären yañarttı.

İzrail Könyaq Lebanda höcümnären arttıra

Sişämbedä İzrail oçqıçları Lebannıñ könyaq häm könçığışın utqa tottı. Cir öste köçläre, Hizbolla suğışçıların çik buyınnan quır öçen, Lebanğa eçkäräk kerergä äzerlänä. Xalıqara cämäğätçelekneñ utnı tuqtatu taläplärenä qaramastan töbäktä bäreleşlär däwam itä.

Rawşan alanında Azatlıq köne ütte

AQŞ: Yuğarı mäxkämäneñ Guantanamo qararı – Bush idaräsenä kisätüme?

Quşma Ştatlar Yuğarı mäxkämäse, prezident Bushnıñ Guantanamo totqınnarı eşen tikşerü öçen maxsus xärbi komissiä tözergä wäkäläte bulmağan, digän qarar çığardı. Aq Yort monı ğadi protsedura mäsäläse dip añlatsa, başqalar bu qararnı Bushnıñ berayqlı idarä itü räweşen kire qağu dip bäyäli.

Basaev İçkeriäneñ vitse-prezidentı itep bilgelände – kem öçen häm nindi signal?

Çeçen separatislarınıñ internet säxifäläre xäbär itüençä, Beslan faciğäse öçen cawaplılıqnı üz östenä alğan, Rusiädä iñ ezlängän keşelärneñ berse - Şamil Basaev - İçkeriäneñ vitse-prezidentı itep bilgelängän. Qayber belgeçlär fikerençä, ğisyançılarnıñ salmaq citäkçelären yuq itep kilgän räsmi Mäskäw mondıy näticä öçen üze cawaplı.