шәкли фәһем

автор: шәкли фәһем

• июнь 28, 2006

  Hamas belän Fatah kileşü tözede

  Yaqın könçığıştan başlıybız, xörmätle tıñlawçılar. Töbäktän kilgän xäbärlärgä qarağanda, Fälästinneñ Fatah partiäse belän xakimiättäge Hamas firqäse İzrail belän yänäşä Fälästin däwläten tözü mäsäläsendä kileşügä ireşkän. Bu xäbärne küplär Hamasnıñ, kinayalı räweştä bulsa da, İzrail däwläten tanuı dip bäyäläde. Moñarçı Hamas İzrailne gel kire qağıp kilde. Soñğı kileşü Hamas säyätendä üzgäreşne añlatamı?

• июнь 27, 2006

  Yewropa deputatları "Yewropadağı amerikan törmäläre" mäsäläsen tikşerä

  Yewropa Şurasınıñ Parlament Mäclese sişämbe utırışında amerikan agentlarınıñ Yewropa cirendä terrorda şiklänüçe keşelärne qanunsız qulğa alıp törmägä utırtuın kisken tänqitlägän xisapnı tikşerde. Şveisariä deputatı Dick Marty äzerlägän bu xisapta Yewropanıñ 14 ile Quşma Ştatlar belän bu qanunsız eşçänlektä süz berläştergän dielä.

• июнь 26, 2006

  New Yorkta ciñel qoral säwdäsenä qarşı xalıqara konferensiä açıldı

  Düşämbedä New Yorkta Berläşkän Millätlär ximayasında ciñel qoral belän qanunsız säwdä itügä qarşı köräşkä bağışlanğan konferensiä açıldı. 2 atna baraçaq bu çarada 177 ildän 2 meñnän artıq delegat qatnaşa. Konferensiäneñ maqsatı – Ğiraq, Äfğanstan, Çeçnä, Kaşmir kebek qaynar töbäklärgä qoral kontabandasın tuqtatı yulların ezläw.

• июнь 23, 2006

  Ukraina belän Rusiä arasında yaña "gaz suğışı" başlanırmı?

  Ukrainanıñ yaña premier-ministrı bulır dip kötelgän Yulia Timoşenkonıñ Rusiä belän gaz kileşüen kire qaraw niäten Gazprom şirkäte tänqitkä tarttı. Gazprom räsmiläre, bu adım Europada yaña energiä krizisına kiteräçäk, dip kisätte. Rusiä belän Ukraina arasında yaña "gaz suğışı" başlanırmı?

• июнь 22, 2006

  Bush Budapeştta 1956 yıl Macar ğisyanına mädxiä uqıdı

  Çärşämbedä Venada Europa citäkçeläre belän oçraşqannan soñ amerikan prezidentı George Bush Budapeştqa kilep, atnakiç könne 1956 yıl Macar baş kütärüen iskä alu çarasında qatnaştı. 50 yıl elek kommunjistik rejimğa qarşı bulğan ğisyanda 2500 macar, 750 sovet xärbie häläk buldı.

• июнь 21, 2006

  Tönyaq Korea raketa sınarğa cıyına. Pxenyannıñ bu niäte artında närsä yata?

  Washingon häm xalıqara cämäğätçelekneñ kisätülärenä qaramastan, Tönyaq Korea yaña ballistik raketa sınarğa cıyına digän xäbärlär bar. Pxenyannıñ dönya iğtibarın üzenä cälep itü tırışlığı artında ni yata?

• июнь 20, 2006

  Bush Macarstanda 1956 yılnı iskä alaçaq

  Çärşämbedä Venada ütäçäk Europa Berlege-Quşma Ştatlar sammitınnan soñ amerikan prezidentı George Bush ikençe köngä Budapeştqa kitä. Macarstan räsmiläre belän oşraşudan tış anıñ şulay uq Macar baş kütärüenä 50 tulu uñayınnan ütäçäk çaralarda qatnaşuı da qaralğan.

• июнь 19, 2006

  AQŞ-Europa Berlege sammitı aldınnan: Atlantik-ara mönäsäbätlär yänä cılındı

  21 Yün çärşämbe könne Venada Quşma Ştatlar-Europa Berlege sammitı ütäçäk. Kön tärtibendä iqtisadtan alıp İrannıñ atom programasına qädär törle mäsälälär bulır dip kötelä. Ämmä belgeçlär fikereçä, iñ möxime - bu cıyın Washingtonğa ber ara kierenkelektän soñ Europa illäre belän yänä yaxşı mönäsäbättä buluın kürsäter öçen forsat bulıp toraçaq.

• июнь 16, 2006

  Futbol sälämätlek öçen zararlımı?

  Bu könnärdä bar dönya bulap yözlägän million keşe "futbol" digän tamaşa belän yäşi, Germaniädä barğan dönya berençelegen küzätä. Tabiplar isä, çamadan tış xislänü sälämätlekkä zıyanlı dip, canatarlanı artıq mawıqmasqa çaqıra. Hong Kong sälämätlek ministrlığı televizorğa tekälep utıruçılarnı allarına qızdırılğan bäräňge urınına yäşelçä quyarğa, Europa tabipları - yöräk çirlelärne yasalma apparatların qul astında totırğa kiňäş itä.

• июнь 16, 2006

  İran prezidentı xalıqara täqdimnärne "alğa taba adım" dip atadı

  İran prezidentı Mäxmüt Äxmädinecad Tährannıñ atom programması tiräsendäge bäxäsne çişü maqsatı belän yasalğan yaña xalıqara täqdimnärne "alğa taba ber adım" dip atadı. Bu turıda ul Şanxaida Rusiä häm Qıtay prezidentları belän oçraşqannan soñ äytte. Moñarçı İranğa çikläwlär kertügä qarşı çığıp kilgän Mäskäw belän Pekin, xäzer Töhrannı çigenergä öndi kebek.

• июнь 15, 2006

  Şanxai Xezmättäşlek Oyışması citäkçeläre Şanxaida cıyıldı

  Atnakiç könne Qıtayda Şanxai xezmättäşlek oyışmasınıñ cıyını tämamlandı. Rusiä, Qıtay, Qazaxstan, Qırğızstan, Tacıqstan häm Üzbäkstan citäkçeläre üzara bäyläneşlärne nığıtu telägen belderde, terrorğa qarşı köräş häm transport çeltären üsterü turında kileşülär imzaladı. Cıyında şulay uq İran, Paqstan, Mongoliä, Äfğanstan citäkçeläre häm dä Hindstannıñ yuğarı räsmiläre qatnaştı.

• июнь 14, 2006

  Rusiä: Putin öçençe tapqır prezident bulırmı?

  2008 yıl yaqınlaşqan sayın bu soraw küplärne borçıy. Ber keşegä 3 tapqır rättän prezident bulunı älegä Rusiä konstitutsiäse tıya. Ämmä, belgeçlär fikerençä, bu kirtä atlap çıqmaslıq tügel.

• июнь 13, 2006

  Europada İslamnan qurqu qaydan kilä?

  Europada İslamofobia – İslamnan qurqu qaydan kilä? Düşämbedä Brüsseldä şuşı sorawğa bağışlanğan ber däräcäle oçraşu ütte. Anda qatnaşqan ğalimnär şundıy näticägä kilde: İslamnan qurqu xisläre dinneñ üzenä bäyle tügel, anıñ tamırları sotsial kierenkelekkä nigezlängän suqırlarça ğomumiläşterülärdän kilä. Ğalilmnär möselmannarnı da, möselman bulmağannarnı da üzara tüzemle bulırğa çaqırdı.

• июнь 12, 2006

  AQŞ däwlät sekretare yärdämçese dinara äñgämägä öndi

  Quşma Ştatlar prezidentı George Bushnıñ küptänge xezmättäşe, xäzer däwlät sekertare yärdämçese Karen Hughes bu könnärdä törle illärgä säfär qılıp yöri, yäkşämbedä ul Çexiä başqalası Pragağa kilde häm şuşı forsattan radiobıznıñ baş fatirıında bulıp, jurnalistlarnıñ sorawlarına cawap birde, terrorğa qarşı suğış wä globalläşü çorında xalıqlar häm mädäniätlär arasındağı dialognıñ äxämiätenä basım yasadı.

• июнь 09, 2006

  G8-dä räislek itüçe Rusiä Könbatışta abruyın kütärergä tırışa

  Ser tügel, G8-dä räislek itüenä qaramastan, Rusiäneñ Quşma Ştatlar häm Europa belän mönäsäbätläre şäptän tügel. Yül ayında ütäçäk G8 sammitı yaqınlaşqanda, üzeneñ Könbatıştağı abruyın beraz kütärü öçen Mäskäw Amerikanıñ Ketchum isemle PR kompaniäsen yalladı. Kremlneñ mondıy çeterekle yomış belän çit il şirkätenä moñarçı möräcäğät itkäne yuq ide äle.

• июнь 08, 2006

  Futbol häm Säyäsät: Germaniädä Dönya Berençelege başlana

  Şulay itep, futbol söyüçelär zarığıp kötkän kön kilep tä citte. 9 Yün comğa könne Germaniädä dönya berençelege başlana. Millionlağan can atar, milliardlağan dollar aqça häm dä säyäsätne iskä alsañ, ber ay buyına dönyanıñ iğtibarı şuşı tamaşağa töbälgän bulaçaq dip, ikelänmi äytergä bula.

• июнь 07, 2006

  Europada yäşeren törmälär turında Europa Şurası xisabı: Europa illäre CIA belän süz berläştergän

  Europa Şurası çärşämbedä Amerika küzläw idaräseneñ Europadağı yäşeren törmäläre turında xisap bäyän itte. Şuşı xisapqa kürä Europanıñ kimendä 14 ile CIA belän xezmättäşlek itkän, yä isä bu eşlärgä küz yomğan.

• июнь 06, 2006

  İran: Solana Tähranğa Könbatışnıñ yaña täqdimnären tapşırdı

  Yewropa Berlegeneñ tışqı säyäsät citäkçese Javier Solana bügen Tähranda İran räsmilärenä yaña täqdimnär tapşırdı. BMO İminlek Şurasınıñ 5 daimi äzğası häm Germaniä äzerlägän bu täqdimnär İrannı uran bayıtudan bizderüne maqsat itep quya.

• июнь 05, 2006

  Mäskäwdä açılğan dönya matbuğatı cıyınında Putinğa tänqit belderelde

  Düşämbedä Mäskäwdä Bötendönya Gäzitlär Berläşmäseneñ yıllıq cıyını açıldı. 3 kön baraçaq çarada 100dän artıq ildän 1700läp möxärrir qatnaşa. Berläşmä citäkçese Gavin O''Relilly üzeneñ çığışında Rusiädä küpçelek mäglümät çaralarınıñ däwlät kontrolendä buluına tänqit belderde. Rusiä prezidentı Vladimir Putin bu tänqitne kire qaqtı.

• июнь 04, 2006

  Çexiädä ütkän ğömüm saylawlar säyäsi bilgesezlekkä kiterde

  Parlamenntağı 200 urınnıñ ber yözen sulçılar, ikençe yözen urta-uñçılar aldı. Xökümät tözü öçen berseneñ dä citärlek tawışı yuq.

дәвам